-
Ukraynada rusiyameylli separatçıların nəzarətindəki əraziyə düşən Malayziya sərnişin təyyarəsinin «qara qutu»ları Ukrayna mütəxəssislərinin əlindədir.
Ukrayna xarici işlər naziri Pavel Klimkin-ə istinadən Ukrayna mətbuatı belə yazır.
Nazirin dediyinə görə, qəzanın səbəblərini araşdırmaq üçün ABŞ, Hollandiya və Malayziya ekspertlərindən ibarət komissiya yaradılıb.
«Malayziya Hava Yolları»na məxsus «Boing-777» sərnişin təyyarəsi göyərtəsində 300 nəfərə yaxın adamla iyulun 17-də Ukraynanın cənub-şərqində, Rusiya sərhədinə yaxın, separatçıların nəzarətində olan ərazidə qəzaya uğrayıb.
Təyyarədə olanlar hamısı həlak olub.
Faciəyə görə Rusiya hökuməti, Ukraynadakı rusiyameylli separatçılar Ukrayna hökumətini, Ukrayna isə qarşı tərəfi günahlandırır.