İyunun 18-də Bakı Ağır Cinayətlər Məhkəməsində dövlət ittihamçısı «facebook» fəalı Ömər Məmmədovun 6 il azadlıqdan məhrum edilməsini istəyib.
Bu haqda AzadlıqRadiosuna onun vəkili Xalid Bağırov məlumat verib:
«Bundan əvvəl Elsevər Mürsəlli, Əbdül Əbdülova eyni xarakterli ittihamlar irəli sürülmüşdü. Absurd ittihamlardır».
Məhkəmə iyunun 25-də davam edəcək.
Ömər Məmmədov yanvarın 24-də həbs olunub. O, qanunsuz narkotik maddə alverində ittiham olunur. Müdafiə tərəfi onun həbsinin bloqqer fəaliyyəti ilə bağlı olduğunu bildirir.