Keçid linkləri

2024, 28 Mart, Cümə axşamı, Bakı vaxtı 23:16

Mikyoyana heykəl ətrafında qalmaqal


Stalin (ortada), Anastas Mikoyan (solda) and Orjonikidze (sağda) . 1925-ci il
Stalin (ortada), Anastas Mikoyan (solda) and Orjonikidze (sağda) . 1925-ci il
Yerevanın Ağsaqqallar şurasının Anastas Mikoyana heykəl qoymaq qərarı Yerevanda qalmaqal yaradıb.

Kommunist dövrünün partiya və dövlət xadimi, Bakı Komissarlarından biri olan Mikoyana heykəl qoymaq Yerevan merinin sədrliyi ilə aprelin 30-da keçirilən iclasda qərara alınıb.

Qərarı əsaslandıranlar bildirirlər ki, Mikoyan keçən əsrin 20-ci illərində “inqilabi fəaliyyət göstərib”, “Böyük Vətən müharibəsi illərində Sovet Ordusunun təzhizatı ilə məşğul olub”. Ancaq əsaslandırmada 30-cu illər haqda heç nə deyilmir.

Ağsaqqallar şurasının 4 üzvü heykəl qoymağın qərarın əleyhinə çıxıb.

Onlardan biri - hakim partiyanın üzvü, Ermənilərin Soyqırımı Muzey-İnstitutunun direktoru Ayk Demoyan bildirib ki, mübahisəli həyatı olan bir şəxsə Yerevanda heykəl qoyulmasının əleyhinədir. O, Mikoyanın 1937-1938-ci illərdə imzaladığı sənədə istinad edir ki, orda Mikoyan daha çox erməninin güllələnməsini və həbsini təklif edir. Demoyanın sözlərinə görə, Mikoyanın təklif etdikləri arasında minlərlə siyasi xadim və ziyalı var idi.

Son vaxtlar internetdə yerləşdirilmiş bir sənədə görə, o vaxtki Daxili İşlər Naziri Yejov Stalinə Xalq Komissarları Sovetinin sədr müavini Mikyoyanın xahişini çatdırır. 1937-ci il sentyabrın 22-si tarixli sənəddə Mikoyan Stalindən Ermənistanın anti-sovet elementlərdən təmizlənməsini xahiş edir və bu məqsədlə 2000 erməninin güllələnməsini təklif edir.

Ağsaqqallar Şurasının mədəniyyət və təhsil komissiyası isə Mikyona heykəl qoyilmasına müsbət rəy verib. Komissiyanın sədri Tamar Pogosyan deyir ki, Mikyonın həyatında Ayk Demoyanın dediyi faktların olması barədə onlarda məlumat yoxdur.

Ermənistanın Milli Arxivinin direktoru Amatuni Virabyan isə deyir ki, Stalin repressiylarında Mikoyanın bilavasitə rolu haqda çoxlu sənəd var.

“Məsələn, Yerevandan Moskvaya teleqram var ki, Ermənistanda 500 adamın həbsi azdır, bu rəqəmi 1000-ə çatdırmaq lazımdır. Moskva isə sonra bunu 1500-ə çatdırır . Və yaxud məhkəmələr təşkil edib göstərmək ki, xalq düşmənləri iqtisadiyyata ziyan vurur. Mikoyanın imzası olan belə sənədlər çoxdur”.

Virabyan hesab edir ki, 1937-ci ilin repressiyasında iştirak edən adamlara heykəl qoymaq lazım deyil.

Mikyana heykəl qoymaq Ermənistanda niyə məhz bu gün aktuallaşıb?.
“Salam, Yerevan” fraksiyanın üzvü Anahit Bakhshiyan deyir ki, “bu gün elə məmur imici formalaşdırılır ki, yuxarılar güllələmə siyahısı hazırlasa, bunun da altına imza atmağa hazır olsun”.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG