Ukraynada ATƏT nümayəndələri girov götürülüb (24-25 aprel xronologiyası)

Slavyanskda antiterror əməliyyatı belə gedir

SBU-nun NÖVBƏTİ "MOKSVANIN ƏLI" VİDEOSU

Bu gün Donbass regionunun Qorlovka şəhər sovetinin deputatı Vladimir Rybak-ın dəfni olub. Aprelin 17-də onu Qorlovkada maskalı separatçıları onu girov götürmüşdülər. Bir neçə gündən sonra isə Rybakın meyiti Slavyansk yaxınlığında, Severniy Donets çayından tapılmışdı. Ukrayna təhlükəsizlik xidməti (SBU) hesab edir ki, onu Rusiya xüsusi xidmətlərinin əməkdaşları qətlə yetirib. SBU-nun YouTube kanalına yerləşdirdiyi videoda Ukraynanın şərqində separatçıların fəaliyyətinə rəhbərlik edən şəxslə silahlı qruplaşmalardan birinin telefon danışığının gizli səs yazısı olduğu iddia edilir. Danışıqların birində deyilir ki, "o, (Rybak - red.) Ukrayna bayrağını asmaq istəyirdi, bu zaman da onu saxlayıblar. Biz videoyaya baxdıq, bizim uşaqlardan heç kim orada görünmür"... Bir başqa danışıqda isə "meyit burada qalıb iylənir, kömək edin onu harasa yox edək" deyə xahiş səslənir.

Batkivşina partiyasının üzvü olan Rybak Ukraynanın parçalanmasının əleyhinə idi. Onun saxlanması Qorlovka şəhər sovetinin binasından separatçıların bayrağını çıxararaq, Ukrayna bayrağını taxdığından dərhal sonraya təsadüf edir.

RUSİYA ORDUSU "TƏLİM" ADI İLƏ HƏRƏKƏTƏ GƏLİR.

Rusiyanın Müdafiə naziri Sergei Shoigu Ukrayna ilə sərhəd Rusiya ordusunun hərbi təlimlərinin başladığnı elan edib. O, bildirib ki, Ukraynanın şərqində ordu qüvvələrinin cəmləşməsini nəzərə alaraq Rusiya silahlı qüvvələrinin Cənub və Qərb hərbi dairələrinin Ukrana sərhəddində hərbi təlimləri başlayır. Shoigu-nun sözlərinə görə, Ukrayna "dinc əhaliyə" qarşı əməliyyatlara 11 min əsgər, 160 tank, 230 BMP və BTR, azından 150 artilleriya qurğusu cəlb edib, özünümüdafiə dəstələrində isə polis bölmələrindən götürülmüş silahlarla müdafiə olunan cəmi 2000 adam var. Bu haqda İTAR-TASS xəbər verir.