Keçid linkləri

2017, 21 Sentyabr, Cümə axşamı, Bakı vaxtı 14:41

«Aygün TV»nin direktoru: «TV-ni satmadım, bağladılar»


World -- Satellite dish, generic image
-
Milli Televiziya və Radio Şurası (MTRŞ) Zaqatalanın «Aygün TV»nə verdiyi lisenziya müddətini uzatmayıb. Fevralın 14-də MRTŞ-nın yaydığı məlumatda deyilir ki, «Aygün TV» lisenziya üçün lazım olan sənədləri quruma təqdim etməyib.

Tənzimləyici qurum onu da bildirir ki, hələ ötən ilin dekabrında «Aygün TV»yə lisenziyanın verilməsi məsələsi müzakirə edilərkən, televiziya lazımi sənədləri onlara təqdim etməmişdi. O zaman TV-yə xüsusi razılıq müddətinin verilməsinə dair müzakirə ertələnmişdi.

«TV-DƏ ÇATIŞMAZLIQLAR VAR»

Məlumatda deyilir ki, «Aygün TV»nin fəaliyyəti araşdırılandan sonra «çoxsaylı çatışmazlıqlar və qanun pozuntuları aşkar edilib».

MRTŞ komissiyası hesab edir ki, «Aygün TV»də proqramlar saxlanmayıb, qeydiyyat jurnalı da mövcud olmayıb. Halbuki teleradio proqramlarının (verilişlərinin) materialları (qoşma sənədlər, əlyazmalar, məktublar, lent yazıları və s.) efirə çıxandan sonra azı bir ay, efirə çıxmış proqramların tarixi, vaxtı, mövzusu, müəllifi, aparıcısı və iştirakçılarının göstərilməli olduğu qeydiyyat jurnalı isə sonuncu qeyddən sonra azı bir il müddətində saxlanılmalıdır.
cartoon by Sherif
cartoon by Sherif


«SATMADIM, NƏTİCƏSİ BU OLDU»

«Aygün TV»nin direktoru Nəzirxan Nuriyev AzadlıqRadiosuna bildirib ki, o bu xəbəri çoxdan gözləyirmiş:

«Mənə dedilər ki, televiziyanı onlara satım, mən də satmadım. Nəticəsi də belə oldu. İndi rayona qayıdıram. Bundan sonra nə etmək lazım olduğu barədə düşünəcəyəm».

«Aygün TV»yə verilən xüsusi razılığın müddəti ötən il dekabrın 11-də bitmişdi.

Sənin fikrin

Şərhləri göstər

Günün bütün mövzuları

XS
SM
MD
LG