Kiyevdə yanvarın 20-nə keçən gecə davam edən toqquşmalarda 100-ə yaxın adam yaralanıb. Onların arasında AzadlıqRadiosu Ukrayna xidmətinin videojurnalisti var. Xüsusi geyimdə olan jurnalistlərin toqquşmalardan kənarda durub çəkiliş aparmasına baxmayaraq, polis onlara tərəf də atəş açırdı. Videogörüntüdə bulanıq şəkildə olsa da, AzadliqRadiosunun kamerasını nişan alan polisi görmək olur. Onun atəşi kameranı sıradan çıxarır, jurnalist isə yüngül yaralanır. Həmin gecə Ukrayna polisi Azadliqradiosunun 2 əməkdaşını da saxlayıb.