-
Pussy Riot qrupunun digər üzvü Nadezhda Tolokonnikova da azadlığa çıxıb.
Qrupun üzvləri Rusiyanın Dövlət Dumasının konstitusiya günü münasibəti ilə imzaladığı amnistiyaya əsasən sərbəst buraxılıblar.
Amnistiya 25 minədək məhbusa şamil olunub.
----
Maria Alyokhina həbsxanadan çıxarkən
Pussy Riot qrupunun üzvü Maria Alyokhina dekabrın 23-ü səhər saatlarında azadlığa buraxılıb. O, amnistiya qərarına əsasən sərbəst buraxılıb.
Bu barədə AzadlıqRadiosunun rus xidmətinə onun vəkili məlumat verib. Bildirib ki, hazırda Maria Alyokhina həbsxananın yerləşdiyi Nijni Novqoroddadır və bir müddət orada qalıb görüşlərdə iştirak edəcəyi planlaşdırılır. Onun həmçinin, İşgəncələr əleyhinə komitədə də görüşlər keçirəcəyi gözlənilir.
Feminist pank qrupu olan Pussy Riot qrupu Moskvada kilsədə mərasimi pozaraq prezident Putin əleyhinə mahnı oxumuşdu.
2012-ci ilin fevralında məhkum olunan qrup üzvlərindən 2-si barədə həbs qərarı verilmişdi. Qrupun 1 üzvü isə şərti cəza almışdı.
Qrupun hazırda həbsdə olan digər üzvü - Nadezhda Tolokonnikova da amnistiya ilə azadlığa buraxılıb.
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
