14 nəfər hələ də uçqunlar altında qalmaqdadır

-
Latviya paytaxtı Riqada uçan supermarketin qalıqları altından indiyə qədər 52 nəfərin cəsədi çıxarılıb.

Daha 14 nəfərin hələ də uçqunlar altında qaldığı ehtimal edilir.

Xəsarət almış 29 nəfər xəstəxanalara yerləşdirilib.

Hadisə ilə əlaqədar Latviyada 3, qonşu Litva və Estoniyada 1 günlük mətəm elan edib.

Noyabrın 21-i axşam Riqada 2011-ci ildə tikilmiş «Maksima» supermarketin iki divarı və tavanı uçub.

Mütəxəssislər hadisəni tikinti qaydalarının pozulması ilə əsaslandırırlar.