Kerry İranla Şimali Koreyanı öhtəliklərinə əməl etməyə çağırıb

ABŞ Dövlət katibi John Kerry Şimali Koreya və İranı nüvə silahlarının yayılmaması ilə bağlı beynəlxalq öhtəliklərə əməl etməyə çağırıb.O belə bir bəyanatla bazar ertəsi Vaşinqtondakı Sülh İnstitutunda keçirilən konfransda çıxış edib.

ABŞ, Böyük Britaniya, Fransa, Rusiya, Çin və Almaniyanın nümayəndələri noyabrın 7-8-də Cenevrədə İranla danışıqları davam etdirəcəklər.

Qərb İranı gizlicə nüvə silahı üzərində işləməkdə günahlandırır.Tehran ittihamı rədd edir, nüvə proqramının dinc məqsədlər üçün nəzərdə tutulduğunu deyir.

Qeyd edək ki, İran bundan əvvəlki görüşdən sonra uranın 21 faizədək zənginləşdirilməsini dayandırıb.