Suriya məsıələsində Moskva ilə Paris arasında fikir ayrılığı var

Suriyada kimyəvi silah işlədilməsinin təxribat olması barədə Moskvada ciddi əsaslar var.Bunu Rusiyanın xarici işlər naziri Sergei Lavrov deyib.
O bu gün Moskvada fransalı həmkarı Laurent Fabiusla görüşdən sonra mətbuat konfransında bildirib ki, BMT-nin bazar günü açıqlanan hesabatı Rusiyanın bütün suallarına cavab vermir.

Fabius isə öz növbəsində hesabatın bu hücumda Suriya rejiminin cavabdehlik daşıdığını şübhə altında qoymadığını bildirib.

Hesabatda yalnız avqustun 21-də Dəməşq ətrafında belə bir hücum törədildiyi bildirilir.

Liderlər Suriya münaqişəsinin həllində tərəflər arasında fikir ayrılığı olduğunu etiraf edib, amma danışıqların bərpa edilməsinin vacibliyini qeyd ediblər.