Sosial şəbəkələrdə BMT ekspertlərinin Suriyanın paytaxtı Dəməşqin şərqində Zamalka qəsəbəsində fəaliyyətini əks etdirən video yayılıb. Videoda əleyhqazda olan ekspertlərin kimyəvi silahla hücum olduğu deyilən ərazilərdən nümunələr götürdükləri görünür. Avqustun 29-da çəkildiyi deyilən videoda ekspertləri Suriya müxalifətinin döyüşçüləri müşayiət edirlər. Reuters agentliyi bu videonu sosial şəbəkələrdən götürüb, amma onun məzmununu başqa mənbələrdən dəqiqləşdirə bilmədiyini yazır.