"Qanun" nəşriyyatı populyar irland yazarı Cecelia Ahern-in "Sabahın kitabı" romanını Azərbaycan dilində çap edib.
Tamara Qudvin istədiyi hər şeyi əldə eləmişdi. Varlı ailədə doğulan Tamara böyük bir imarətdə böyümüşdü. Dizayner geyimləri ilə dolu qarderobu, yataq otağında geniş çarpayısı, şəxsi vanna otağında iri plazma televizoru. Həmişə bu gün üçün yaşayar, sabah haqqında qətiyyən düşünmürdü.
Lakin gözlənilmədən atası vəfat edir və anası ilə onun həyatı tamamilə dəyişir. Boğaza kimi borc içində qaldıqlarından, evləri də daxil olmaqla, bütün mülklərini satıb Tamaranın dayısı və dayısı arvadının yaşadığı kəndə köçürlər...
Bu ümidsiz vəziyyətdə kitabxanada oxuduğu bir kitab onun bütün həyatını kökündən dəyişir…
İngiliscədən tərcümə: Əfsanə Nurəli Həmzəyeva