İranda saxlanan Azərbaycan vətəndaşları iyunun 6-dək vətənə dönəcəklər

İranda saxlanılan Azərbaycan vətəndaşları ən geci iyunun 6-sı ölkəyə göndəriləcək.
Bunu ANS-ə Azərbaycanın İrandakı səfiri Cavanşir Axundov deyib.

Xalidə Xalid və Şamxal Hüseynov ötən gün axşam saatlarında Azərbaycanın İrandakı Səfirliyinə təhvil verilib.

Azərbaycan Milli Elmlər Akademiyasının Ədəbiyyat İnstitutunun elmi işçisi, Şəhriyarşünas Xalidə Xalid və onun sürücüsü Şamxal Hüseynov bu il aprelin 30-da İranda saxlanıblar.
İran hakimiyyəti onları qanunsuz əlaqələr qurmağa cəhddə ittiham edirdi.