Keçid linkləri

2017, 22 Yanvar, bazar, Bakı vaxtı 07:45
-

Aprelin 30-da AXCP üzvü Musa Rahim barəsində 2 aylıq həbs qətimkan tədbiri seçilib. Qərar mayın 1-də Nəsimi Rayon Məhkəməsində çıxarılıb.

Elə həmin gün Musa Rahim Bakı İstintaq Təcridxanasına aparılıb.

Musa Rahim digər AXCP üzvü Dəyanət Babayevlə birlikdə ötən il noyabrın 7-də Bakının Nizami küçəsində saxlanıb, sonradan buraxılmışdı.

Mayın 2-də AXCP fəalı Dəyanət Babayevin işi üzrə də Nəsim rayon məhkəməsində proses keçirilib.

Vəkil Əsabəli Mustafayev M. Rahimlə D. Babayevin məhkəmə proseslərinin ayrı-ayrılıqda keçirilməsinin qanunazidd olduğunu bildirib. İşlərin bir məhkəmə prosesində araşdırılması üçün vəsatət qaldırıb. Bu vəsatətə mayın 6-da baxılacaq.

DİN-nin məlumatına görə, hər iki şəxs ötən ilin noyabrında Tofiq Səlimov adlı bir vətəndaşı təhqir edib, ona yüngül bədən xəsarətləri yetiriblər. Onlar Cinayət Məcəlləsinin 221.2.1-ci (xuliqanlıq) maddəsi ilə ittiham olunurlar. Bu maddə 2 ilədək müddətə islah işləri və ya 5 ilədək azadlıqdan məhrumetmə cəzasını nəzərdə tutur.

AXCP isə ittihamları qəbul etmir. Partiyanın mövqeyinə görə, ittihamlar ölkədə artan siyasi fəallığı və gənclər hərəkatını səngitməyə yönəlib.

Şərhləri göstər

XS
SM
MD
LG