Pakistanda törədilən partlayışda 4 nəfər ölüb

Pakistanda intiharçı qadının özünü hospitalın ətrafında partlatması nəticəsində azı 4 nəfər ölüb, 4 nəfərsə yaralanıb.

İnsident dünən Bacaur regionundakı Xar şəhərində baş verib.
Yerli hökumət hücumu törədənin 18-20 yaş arasında olduğunu bildirir.

Ölənlərdən biri hospitalın gözətçisi, biri işçisi, ikisi isə mülki sakindir.

Hücuma görə cavabdehliyi hələlik heç kim üzərinə götürməyib.