Suriya müxalifəti ölkənin şimalında Hələb şəhərindəki hərbi hava bazasını ələ keçirdiyini bildirir. Britaniyada yerləşən Suriyada İnsan Haqlarının vəziyyətinə dair Monitorinq Qrupunun xəbərinə görə bu baza uğrunda dünəndən şiddətli döyüş gedirmiş.
Dünən də müxalifətin Azad Suriya Ordusu Raqa əyalətində yerləşən ölkənin ən böyük su elektrik stansiyasına nəzarəti ələ aldığını bildirib.
Suriyada iki il əvvəl prezident Bashar al-Assad-ın istefası tələbilə başlayan aksiyalar vətəndaş müharibəsinə çevrilib. BMT-nin təxminlərinə görə indiyə qədər toqquşmalarda azı 60 000 adam həlak olub.