Keçid linkləri

2017, 21 Oktyabr, şənbə, Bakı vaxtı 18:12

ABŞ Rusiyadan ət idxalına qoyduğu qadağanı götürməsini tələb edir


Arxiv foto
-


Vaşinqton Rusiyanı ət idxalına qoyduğu qadağanı dərhal aradan qaldırmağa çağırıb. Rusiya belə bir qadağanı ABŞ-da istehsal olunan ət məhsullarına raktopamin əlavəsinin qatılması ilə əlaqələndirib.

ABŞ-ın Ticarət nümayəndəsi Ron Kirk və Kənd təsərrüfatı katibi Tom Vilsack Moskvanı Ümumdünya Ticarət Təşkilatı qarşısında götürdüyü öhdəliklərinə hörmət etməyə çağırıb.

Daha sonra bəyanatda bildirilir ki, ABŞ-da istehsal olunan ət «dünyada ən yüksək təhlükəsizlik standartlarına cavab verir».

Rusiyanın ət idxalı ilə bağlı qadağası bazar ertəsindən qüvvəyə minib. Rusiya bildirir ki, ABŞ-da istehsal olunan ət məhsullarının yağlılığının azaldılması üçün onlara raktopamin qatqısı əlavə olunur.

Bəzi ölkələrdə raktopaminin istifadəsi qadağan edilsə də, BMT-nin ərzaq standartları üzrə agentliyi bildirir ki, bu qatqının az miqdarda istifadəsi insan sağlamlığı üçün ziyansızdır.

Günün bütün mövzuları

XS
SM
MD
LG