Keçid linkləri

2024, 16 Aprel, çərşənbə axşamı, Bakı vaxtı 04:40

Ümumtürk tarixinin planı hazırlanır


Yaqub Mahmudov
Yaqub Mahmudov
-
«Biz Sultan Səlimə, Sultan Süleymana necə münasibət bəsləyiriksə, Səfəvi tarixi, Ağqoyunlu tarixi də o dərəcədə Türkiyədə sevilməlidir».

Bu sözləri Trend-ə Azərbaycan Milli Elmlər Akademiyasının (AMEA) Tarix İnstitutunun direktoru, deputat Yaqub Mahmudov deyib.

O bildirib ki, yaxın zamanda Bakıda bütün türkdilli ölkələrin tarixçilərinin iştirakı ilə beynəlxalq konfrans keçiriləcək. Məqsəd ümumtürk tarixinin hazırlanması istiqamətində işləri sürətləndirməkdir.

Y.Mahmudov deyir ki, artıq Azərbaycan və Türkiyə tərəfindən ümumtürk tarixinin ümumi planı hazırlanır və onun yazılmasına başlanılacaq.

«Azərbaycan və Türkiyə arasında tarix məsələsində heç bir ixtilaf yoxdur, sadəcə biz ortaq tarixin yazılması prosesini uzlaşdırmalıyıq. Biz Sultan Səlimə, Sultan Süleymana necə münasibət bəsləyiriksə, Səfəvi tarixi, Ağqoyunlu tarixi də o dərəcədə Türkiyədə sevilməlidir. Əmir Teymuru özbəklər necə sevirsə, Azərbaycanda və Türkiyədə də o cür sevgi aşılanmalıdır. Türkün tarixi şəxsiyyətləri və türkün yaratdığı mədəniyyət bütün türk ölkələrində eyni dərəcədə sevdirilməlidir», - Yaqub Mahmudov belə deyib.

Onun bildirdiyinə görə, artıq Azərbaycanın orta məktəb dərsliklərində bütün türk imperiyalarının tarixi öyrənilir. Məsələ qaldırılıb ki, bu, bütün türkdilli ölkələrdə keçiriləcək.

Ortaq türk tarixinin yazılması məsələsi Azərbaycan və Türkiyənin dövlət başçılarının görüşündə də müzakirə olunub.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG