-
Noyabrın 16-dan Məhərrəm ayı başlayıb. Bir neçə gün əvvəl Qafqaz Müsəlmanları İdarəsinin Qazılar Şurası Məhərrəm ayının başlanması ilə bağlı fitva verib. Fitvada Aşura gününün noyabrın 25-nə təsadüf etdiyi qeyd olunub.
Fitvada bildirilib ki, Aşura günündə nizam-intizam gözlənilməli, qurşağa qədər soyunub, zəncir vurmaqla qan çıxarmaq kimi qınağa səbəb olacaq hərəkətlərə yol verilməməlidir.
Mərasimlərdə iştirak edənlər özlərinə xəsarət yetirməməli, bunu digərlərinə təlqin etməlidirlər.
Aşura günündə qanvermə aksiyalarının keçirilməsi tövsiyə olunur.
Məhəmməd peyğəmbərin nəvəsi, şiə imamı Hüseyn və onun tərəfdarlarının qətlə yetirilməsi (Kərbəla hadisəsi) Məhərrəm ayında baş verdiyindən müsəlman ölkələrində onu matəm ayı kimi qeyd edirlər.
Hicrətin 61-ci ilində Kərbəla olaylarından sonra qeyd olunmağa başlayan Məhərrəmlik mərasimləri bu gün də dünyanın müxtəlif bölgələrində qeyd olunur. Hər il minlərlə insan Kərbəlaya toplaşaraq hicrətin 61-ci ildə Kərbəlada şəhid olan İmam Hüseyn və 72 tərəfdarına əza saxlayır.
Ümumilikdə Məhərrəm və Səfər aylarında davam edən (Məhərrəm ayının 10-da Aşura hadisəsi - qətl baş verib) Məhərrəmlik mərasimləri Səfər ayının başa çatması ilə yekunlaşır. Səfər ayının sonuncu 10 günü də «məhərrəmlik» təqviminə aid edilir, müsəlmanlar həmin ayda toy-şənlik keçirmirlər.
Noyabrın 16-dan Məhərrəm ayı başlayıb. Bir neçə gün əvvəl Qafqaz Müsəlmanları İdarəsinin Qazılar Şurası Məhərrəm ayının başlanması ilə bağlı fitva verib. Fitvada Aşura gününün noyabrın 25-nə təsadüf etdiyi qeyd olunub.
Fitvada bildirilib ki, Aşura günündə nizam-intizam gözlənilməli, qurşağa qədər soyunub, zəncir vurmaqla qan çıxarmaq kimi qınağa səbəb olacaq hərəkətlərə yol verilməməlidir.
Mərasimlərdə iştirak edənlər özlərinə xəsarət yetirməməli, bunu digərlərinə təlqin etməlidirlər.
Aşura günündə qanvermə aksiyalarının keçirilməsi tövsiyə olunur.
Məhəmməd peyğəmbərin nəvəsi, şiə imamı Hüseyn və onun tərəfdarlarının qətlə yetirilməsi (Kərbəla hadisəsi) Məhərrəm ayında baş verdiyindən müsəlman ölkələrində onu matəm ayı kimi qeyd edirlər.
Hicrətin 61-ci ilində Kərbəla olaylarından sonra qeyd olunmağa başlayan Məhərrəmlik mərasimləri bu gün də dünyanın müxtəlif bölgələrində qeyd olunur. Hər il minlərlə insan Kərbəlaya toplaşaraq hicrətin 61-ci ildə Kərbəlada şəhid olan İmam Hüseyn və 72 tərəfdarına əza saxlayır.
Ümumilikdə Məhərrəm və Səfər aylarında davam edən (Məhərrəm ayının 10-da Aşura hadisəsi - qətl baş verib) Məhərrəmlik mərasimləri Səfər ayının başa çatması ilə yekunlaşır. Səfər ayının sonuncu 10 günü də «məhərrəmlik» təqviminə aid edilir, müsəlmanlar həmin ayda toy-şənlik keçirmirlər.
