-
Sentyabrın 15-də Rusiya müxalifəti ölkədə «Milyonların yürüşü» çərçivəsində aksiyalar keçirib.
Moskvada yürüş Puşkin meydanında başlayıb, Saxarov prospektində mitinqlə başa çatıb.
Mitinqin sonunda qətnamə qəbul olunub. Sənəddə ölkə rəhbərliyinin istefası, siyasi məhbusların azad edilməsi, sosial xərclərin artırılması kimi tələblər irəli sürülür.
Müxalifətdə olan «Sol cəbhə» Hərəkatının koordinatoru Sergey Udaltsov növbəti aksiyanı oktyabrın 20-də keçirməyi təklif edib. Aksiyaçılar onu dəstəkləyib.
Aksiya icazəli olduğundan elə bir insident baş verməyib.
Eyni tələblərlə aksiyalar Rusiyanın başqa şəhərlərində də keçirilib.
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
