Türkiyə təhlükəsizlik qüvvələrinin məlumatına görə PKK terror təşkilatı yaraqlılarına qarşı əməliyyatlarda son günlər azı 18 terrorçu öldürülüb.
Türkiyənin İraqla sərhədində - Şırnak əyalətində dağlarda əməliyyat sentyabrın 5-dən başlayıb. Bundan bir neçə gün əvvəl yaraqlılar həmin bölgədə 10 polis əməkdaşı və əsgəri öldürmüşdü.
Türkiyə mediası ordunun yaraqlılarla mübarizədə döyüş təyyarələri və vertolyotlardan istifadə etdiyini bildirirlər.
1984-cü ildən bəri Türkiyənin kürdlər yaşayan regionlarında separatçılıq edən PKK təşkilatı ilə mübarizədə indiyə qədər 45 000 nəfərə yaxın adam həlak olub. ABŞ və əksər beynəlxalq təşkilatlar PKK-nı – Kürd Fəhlə Partiyasını terrorçu təşkilat kimi tanıyıb. z