Keçid linkləri

2024, 29 Mart, Cümə, Bakı vaxtı 12:39

Qobustanda hərbi bazada yanğın olub, xəsarət alanlar var


Fövqəladə Hallar Nazirliyinin yanğınsöndürən maşınları və helikopterləri hadisə yerinə cəlb olunub.
Fövqəladə Hallar Nazirliyinin yanğınsöndürən maşınları və helikopterləri hadisə yerinə cəlb olunub.
İyulun 19-da səhər saatlarında Dövlət Sərhəd Xidmətinin (DSX) Qobustan rayonunda yerləşən hərbi hissəsinin bazasında yanğın baş verib.

Hüquq-mühafizə orqanlarından Trend-ə verilən məlumata görə, yanğın hərbi bazanın silah-sursat anbarında baş verib.

Yanğının söndürülməsinə Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürən maşınları və helikopterləri cəlb olunub.

Hazırda yanğının söndürülməsi işləri davam etdirilir.

Təcili və Təxirəsalınmaz Tibbi Yardım Stansiyasından isə bildiriblər ki, yanğın zamanı 3 FHN əməkdaşı Kliniki Tibbi Mərkəzə yerləşdirilib. Onlardan ikisi travma, biri isə tüstüdən zəhərlənmə diaqnozu ilə xəstəxanaya yerləşdirilib.

Kliniki Tibbi Mərkəzdən Trend agentliyinə deyiblər ki, xəztəxanaya iki nəfər gətilrilib. Onlar 1973-cü il təvəllüdlü Valid Əfəndiyev və 1987-ci təvvəllüdlü Rauf Hüseynovdur. Onlardan biri hazırda cərrahiyyə əməliyyatı olunur. Digərinin isə çənə nahiyəsi sınıb.

DSX-dən APA-ya bildirilib ki, hərbi hissədə baş verən yanğın artıq söndürülüb. Hadisə zamanı şəxsi heyət arasında xəsarət alan olmayıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG