Suriyalılar İordaniya ilə sərhədə sığınıb

Homs şəhərinin sakinlərinə təcili beynəlxalq yardım göstərilməlidir. Bu haqda Suriya müxalifətinin liderləri məlumat veriblər.

Qahirədə müxalifət lideri Burhan Galuin dünya ictimaiyyətini «Suriya xalqının özünümüdafiə hüququna hörmət etməyə» çağırıb.

Ötən gün Suriyanın müxtəlif şəhərlərində silahlı toqquşmalar davam edib.

Minə yaxın suriyalı isə Deraa əyalətindəki döyüşlərdən xilas olmaq üçün İordaniya ilə sərhədə sığınıb.