Yerevanda zavodda partlayışda iki nəfər həlak olub

-



Mayın 29-da Ermənistanın paytaxtı Yerevanda “Elektron” zavodunda baş vermiş partlayışda iki nəfər həlak olub.

Həlak olanlardan biri zavodda sex rəisi, o biri isə onun müavini imiş. Rəsmilər hadisə baş verən vaxt zavodda yalnız iki nəfərin olduğunu, onların da hər ikisinin öldüyünü deyirlər.

AzadlıqRadiosunun erməni xidmətinin məlumatına görə Partlayışda zavodun üçmərtəbəli binasının sol tərəfi uçub. Hadisənin səbəbi haqqında hələlik rəsmi məlum yoxdur.

Zavodda nə istehsal edildiyi də hələlik məlum deyil, amma hadisə yerinə Müdafiə naziri Seyran Ohanyan da gəlib. Fövqəladə Hallar naziri deyib ki, bu zavodda Müdafiə Nazirliyi üçün də hansısa avadanlıqlar istehsal edilirmiş.