Azərbaycan və Türkiyə Trans-Anadolu boru kəməri ilə bağlı uzanan danışıqları bu ayın sonuna qədər başa çatdırmaq niyyətindədirlər.
Bloomberg agentliyinin məlumatına görə, ARDNŞ-nin vitse-prezidenti Elşad Nəsirov deyib ki, «biz bu ayın sonuna qədər danışıqları başa çatdırıb, iyunun 30-a qədər hökumətlərarası saziş imzalamaq niyyətindəyik».
Elşad Nəsirov deyib ki, «saziş vergi və investisiya rejimi məsələlərinə görə yubanıb».
Azərbaycan və Türkiyə 2 min km uzunluğunda olacaq Trans-Anadolu boru kəməri ilə bağlı dekabrda anlaşma memorandumu imzalamışdılar. Kəmər ilə BP-nin operatorluq etdiyi Şahdəniz yatağından Avropaya qaz ixrac olunmalıdır.
TANAP kimi tanınan Trans-Anadolu Kəmər Layihəsində ARDNŞ 80 faiz paya, Türkiyənin BOTAŞ və Türk Petrolları şirkətləri isə birlikdə 20 faiz paya sahib olacaqlar. Layihə 5-7 milyard dollar qiymətləndirilir. Tərəfdaşlar Trans-Anadolu kəmərini 2017, ya da 2018-ci ilə qədər, yəni Şahdəniz layihəsi üzrə hasilatın ikinci fazası başlayana qədər tikib başa çatdırmalıdır.
Sonradan bu boru kəməri Nabucco və yaxud Nabucco ilə rəqabət aparan Cənub-Şərqi Avropa boru kəməri ilə birləşməlidir.
Bloomberg agentliyinin məlumatına görə, ARDNŞ-nin vitse-prezidenti Elşad Nəsirov deyib ki, «biz bu ayın sonuna qədər danışıqları başa çatdırıb, iyunun 30-a qədər hökumətlərarası saziş imzalamaq niyyətindəyik».
Elşad Nəsirov deyib ki, «saziş vergi və investisiya rejimi məsələlərinə görə yubanıb».
Azərbaycan və Türkiyə 2 min km uzunluğunda olacaq Trans-Anadolu boru kəməri ilə bağlı dekabrda anlaşma memorandumu imzalamışdılar. Kəmər ilə BP-nin operatorluq etdiyi Şahdəniz yatağından Avropaya qaz ixrac olunmalıdır.
TANAP kimi tanınan Trans-Anadolu Kəmər Layihəsində ARDNŞ 80 faiz paya, Türkiyənin BOTAŞ və Türk Petrolları şirkətləri isə birlikdə 20 faiz paya sahib olacaqlar. Layihə 5-7 milyard dollar qiymətləndirilir. Tərəfdaşlar Trans-Anadolu kəmərini 2017, ya da 2018-ci ilə qədər, yəni Şahdəniz layihəsi üzrə hasilatın ikinci fazası başlayana qədər tikib başa çatdırmalıdır.
Sonradan bu boru kəməri Nabucco və yaxud Nabucco ilə rəqabət aparan Cənub-Şərqi Avropa boru kəməri ilə birləşməlidir.
