.
Xatirə Nurgül
ŞEİRLƏR
SƏNİ MƏN YARATDIM YAĞIŞ ADAM
Xoş gəldin yağış adam
görən təki tanıdim səni
sən də az da olsa tanı məni
mən hər itkifə
bir az daha böyüyən
hər məğlubiyyətdə
bir az daha
qüvvətlənən xanımam
Böyümək aliləşməyə doğru gedir artıq
aliləşməyə doğru...
Hərdən sevmək istəyirəm
sevməyə adam yox dünyada
hərdən dalaşmaq istəyirəm
dalaşmağa heç kim və heç nə yox...
Tək bildiyim unutmaqdı,
bir də dərdini demək
hüzünlü sulara,
bir də yağışda ağlamaq...
Səni də mən yaratdım
yağış adam
göz yaşlarımdan yaratdım
gəlib hesab sorasan,
məni özümə qaytarasan deyə
Məni özümə qaytar yağış adam
mən unutmaq dəlisi,
mən tənhalıq məhkumu
qaytar,qurtar məni yağış adam
özümdən qurtar...
XATIRLAMAQ ÜÇÜN
Nədəndir heç bilmirəm
sağ cibimdən
unudulmuş uşaqlığım çıxır həmişə
yəni günəşə doyunca baxmağı
öyrənən balaca
Hamıdan gizlədiyim
sol cibimdəsə
utancaq qızcığazın
ilk sevgisi var
ilk kədərləri
ilk şeirləri...
Əllərim də doludur xəyallarla,
itkilərlə...
Bir yaz sabahında
öz doğma evimizdə
itirdiyim atamın gözləri
“heç zaman ayrılığa inanma”deyir.
O gündən yadlaşan evimiz
ayrılığa inanmağı öyrədir mənə.
amma nədənsə
indicə sağ əlimlə yazdığım şeir də
“ayrılığa inanma” deyir...
nədənsə...nədənsə...
HÜZÜNLÜ SULAR
Günlər hüzün daşıyır sabaha
saatlar ölümü göstərir yenə
Sonuncu vaqona gecikmiş kimiyəm
perronda durmuşam
əlimdə çemodan
Ya da limandayam
qucağımda bəyaz çiçəklər
gözlədiyim gəminin
gəlməyəcəyini duyuram indidən
Günlər hüzn daşıyır sabaha
saatlar ölümü göstərir
Səhər qəzetlər
yeni faciəni yazacaq
kimsə terrora yozacaq bunu
kimsə uduzacaq həyata
neçəncisə dəfə
Orda uzaqlarda isə
batan gəminin geridə buraxdığı
hüznlü suları
yoxsullar paltarlarıyla bəzəyəcək
qağayılar səsiylə
Günlər hüzn daşıyır
saatlar ölüm
GEDIŞ BILETI
Alnında dağınıq saçların
qolunda qara çanta
əlində gediş bileti
və itirilən bir çox şeylər
səni apardı bu şəhərdən
bu şəhəri məndən
anladım ki, vağzallar
görüş yox ayrılıq yeridir
düşüncələri sərxoş olmayan adamlar üçün
Əsl ağlamaq yeridir
qadınlar üçün
Silib göz yaşlarımı
geri qayıtdım
hamı qayıdırdı
hərəmiz öz içimizdə
yeni şəhərlər tikməyi düşünürdük
...üşüyürüdük.
Xatirə Nurgül
ŞEİRLƏR
SƏNİ MƏN YARATDIM YAĞIŞ ADAM
Xoş gəldin yağış adam
görən təki tanıdim səni
sən də az da olsa tanı məni
mən hər itkifə
bir az daha böyüyən
hər məğlubiyyətdə
bir az daha
qüvvətlənən xanımam
Böyümək aliləşməyə doğru gedir artıq
aliləşməyə doğru...
Hərdən sevmək istəyirəm
sevməyə adam yox dünyada
hərdən dalaşmaq istəyirəm
dalaşmağa heç kim və heç nə yox...
Tək bildiyim unutmaqdı,
bir də dərdini demək
hüzünlü sulara,
bir də yağışda ağlamaq...
Səni də mən yaratdım
yağış adam
göz yaşlarımdan yaratdım
gəlib hesab sorasan,
məni özümə qaytarasan deyə
Məni özümə qaytar yağış adam
mən unutmaq dəlisi,
mən tənhalıq məhkumu
qaytar,qurtar məni yağış adam
özümdən qurtar...
XATIRLAMAQ ÜÇÜN
Nədəndir heç bilmirəm
sağ cibimdən
unudulmuş uşaqlığım çıxır həmişə
yəni günəşə doyunca baxmağı
öyrənən balaca
Hamıdan gizlədiyim
sol cibimdəsə
utancaq qızcığazın
ilk sevgisi var
ilk kədərləri
ilk şeirləri...
Əllərim də doludur xəyallarla,
itkilərlə...
Bir yaz sabahında
öz doğma evimizdə
itirdiyim atamın gözləri
“heç zaman ayrılığa inanma”deyir.
O gündən yadlaşan evimiz
ayrılığa inanmağı öyrədir mənə.
amma nədənsə
indicə sağ əlimlə yazdığım şeir də
“ayrılığa inanma” deyir...
nədənsə...nədənsə...
HÜZÜNLÜ SULAR
Günlər hüzün daşıyır sabaha
saatlar ölümü göstərir yenə
Sonuncu vaqona gecikmiş kimiyəm
perronda durmuşam
əlimdə çemodan
Ya da limandayam
qucağımda bəyaz çiçəklər
gözlədiyim gəminin
gəlməyəcəyini duyuram indidən
Günlər hüzn daşıyır sabaha
saatlar ölümü göstərir
Səhər qəzetlər
yeni faciəni yazacaq
kimsə terrora yozacaq bunu
kimsə uduzacaq həyata
neçəncisə dəfə
Orda uzaqlarda isə
batan gəminin geridə buraxdığı
hüznlü suları
yoxsullar paltarlarıyla bəzəyəcək
qağayılar səsiylə
Günlər hüzn daşıyır
saatlar ölüm
GEDIŞ BILETI
Alnında dağınıq saçların
qolunda qara çanta
əlində gediş bileti
və itirilən bir çox şeylər
səni apardı bu şəhərdən
bu şəhəri məndən
anladım ki, vağzallar
görüş yox ayrılıq yeridir
düşüncələri sərxoş olmayan adamlar üçün
Əsl ağlamaq yeridir
qadınlar üçün
Silib göz yaşlarımı
geri qayıtdım
hamı qayıdırdı
hərəmiz öz içimizdə
yeni şəhərlər tikməyi düşünürdük
...üşüyürüdük.
