Keçid linkləri

2025, 09 Fevral, bazar, Bakı vaxtı 16:32

NATO generalı Quranın yandırılmasına görə üzr istədi


ABŞ generalı John Allen Kabulıdakı mətbuat konfransında üzrə istəyir
ABŞ generalı John Allen Kabulıdakı mətbuat konfransında üzrə istəyir
Əfqanıstanda beynəlxalq qüvvələrə komandanlıq edən amerikalı general John Allen üzrxahlıq edib. Üzrxahlığa səbəb NATO hərbi qulluqçularının müsəlmanların dini kitablarını, o cümlədən “Quran”ı təhqir etməsi ilə bağlı yeni məlumatlardır.

Bəyanatda deyilir ki, Baqramdakı beynəlxalq qüvvələrin hərbi bazasında “Quran”ın bir neçə nüsxəsinin yandırılması ilə bağlı məlumatlar araşdırılır. General Allen bununla bağlı Əfqanıstan prezidenti, hökuməti və xalqından üzr istəyib.

“Quran”ın yandırılması ilə bağlı Baqram bazası ətrafına iki mindən çox əfqanlı toplaşaraq etiraz ediblər. Daha bir etiraz aksiyası isə Kabulda olub.
XS
SM
MD
LG