Keçid linkləri

2024, 24 May, Cümə, Bakı vaxtı 15:18

Astarada İran helikopteri təlaşı...


Foto: Arxiv
Foto: Arxiv
Fevralın 21-də səhər saat 11 radələrində Astara rayon Mərkəzi Xəstəxanasının üzərində İran helikopterinin iki dəfə dövrə vurduğu bildirilir.

Şahidlərindən Elçin İbrahimli AzadlıqRadiosuna deyib ki, həmin vaxt büdcə təşkilatlarının əməkdaşları xəstəxananın açılışı ilə əlaqədar ərazidə iməcilik keçirirmiş:

«Xəstəxana düz sərhədin kənarında yerləşir. Mart ayında prezidentin Astaraya gəlişi ilə əlaqədar xəstəxana təmir olunub. Büdcə təşkilatlarının əməkdaşları orada işləyirdi. Birdən İran tərəfdən helikopterin iki dəfə dövrə vurduğunu gördük. Hamı təlaş işində idi, qaçaqaç düşdü».

Astara rayon Polis Şöbəsindən növbətçi AzadlıqRadiosuna bildirib ki, saat 11 radələrində sərhəd yaxınlığında İran helikopterinin səsi eşidilib:

«Ancaq onlar hava məkanımızı pozmayıb, insident olmayıb. Öz tərəflərində uçublar. Uçuş keçirən İran helikopteri olub».

Dövlət Sərhəd Xidmətindən və Müdafiə Nazirliyindən məlumat almaq mümkün olmayıb.

DÖVLƏT SƏRHƏD XİDMƏTİ: «MƏLUMAT HƏQİQƏTƏUYĞUN DEYİL»

Dövlət Sərhəd Xidmətindən [DSX] «APA»ya deyiblər ki, Astara istiqamətində Azərbaycan-İran hava sərhədinin pozulması halı baş verməyib.

«Fevralın 21-də İran Astarası üzərində qonşu dövlətə məxsus helikopterlərin uçuşu müşahidə olunub. Lakin həmin helikopterlər Azərbaycanın hava sərhədini pozmayıb və Azərbaycan ərazisinə daxil olmayıb».

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG