Keçid linkləri

2024, 11 May, şənbə, Bakı vaxtı 04:54

2 aprel məhbusu həbsxanana rəhbərliyini məhkəməyə verir


Əhəd Məmmədli 12 mart aksiyasında
Əhəd Məmmədli 12 mart aksiyasında
İctimai Palatanın ötən il aprelin 2-də keçirilən aksiyasında həbs olunan Əhəd Məmmədli saxlandığı cəzaçəkmə müəssisəsinin rəhbərliyini məhkəməyə verir.

Bu haqda vəkili Yalçın İmanov məlumat yayıb.

Məhbusun narazılığına səbəb 14 saylı cəzaçəkmə müəssisəsinin rəhbərliyinin məhbusa vaxtında namaz qılmağa icazə verməməsidir.

Y. İmanov deyir ki, Ə. Məmmədli həbsxanada su, tualet problemindən, istilik sisteminin olmamasından, işığın fasilələrlə verilməsindən və yaxınlıqdakı daş karxanasının səhhətinə vurduğu ziyandan da şikayətlənir.

Eyni həbsxanada saxlanan Müsavat Gənclər Təşkilatının sədri Tural Abbaslı da şəraitinin ağırlığı ilə əlaqədar Ədliyyə nazirinə müraciət edib. O, naziri cəza çəkdikləri müəssisəyə dəvət edir.

Penitensiar Xidmətin ictimaiyyətlə əlaqələr şöbəsinin rəisi Mehman Sadıqov isə həbsxanada məhbusun namaz qılmasına qadağa qoyulması ilə bağlı fikirlərin əsasız olduğunu deyir:

«İbadət otağı var. Orda namaz qılmağa da, rejim qaydalarını pozmayan dini ayinlərin də yerinə yetirilməsinə icazə verilir».

Xidmət rəhbəri 14 saylı müəssisədə su olmaması barədə deyilənləri təkzib edir:

«O müəssisədə yüzlərlə məhkum var, onlar susuz bir gün dura bilərmi? Suyun olmaması ilə bağlı deyilənlər tamamilə cəfəngiyatdır».

Ötən ilin oktyabrında Əhəd Məmmədli 1 il 6 ay, Tural Abbaslı isə 2 il 6 ay müddətinə azadlıqdan məhrum edilib.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG