Keçid linkləri

2024, 19 Mart, çərşənbə axşamı, Bakı vaxtı 06:20

Əli Həsənov «Azadlıq» qəzetinin yarımçıq qalan tədbiri haqda danışdı


Əli Həsənov
Əli Həsənov
«Gündə yüz adam tədbir, məclis keçirir. Kiminsə tədbirinin necə keçməsinin hakimiyyətə nə aidiyyəti var?».

Bunu dekabrın 26-da Prezident Administrasiyasının şöbə müdiri Əli Həsənov «Media forum» saytının «Azadlıq» qəzetinin yubiley məclisinin yarımçıq qalması haqda sualına cavab verərkən deyib.

Prezident Administrasiyasının rəsmisi hesab edir ki, «Azadlıq» qəzetinin yazdıqlarının əksəriyyəti böhtandır, yalandır:

«Cənab prezident İlham Əliyev dekabrın 24-də cəbhə bölgəsinə səfər edib, məcburi köçkünlər üçün salınan qəsəbənin açılışını edib. «Azadlıq» qəzetinin bu səfərlə bağlı yazdığı məlumata baxın. Yazıblar ki, prezident göl qırağına ova gedib. Kostyumda, qalstukda ova gedirlər? Sadəcə, adam bu qəzetə deməyə söz tapmır. Ayıbdır!.. Belə qəzetin işığını da söndürərlər, hələ o yana da keçərlər».

Ə.Həsənov bildirib ki, «Azadlıq» qəzetinin belə yalanlar yazmasına baxmayaraq, dekabrın 25-də qəzetin keçirdiyi tədbirin yarımçıq qalmasında hakimiyyətin heç bir rolu olmayıb:

«Bu qəzetin yazdıqlarının hamısına şübhə ilə baxıram. Bu qəzetin yazdıqlarının əksəriyyəti, xüsusən də prezidentlə bağlı yazdıqlarının hamısı səhv, yalan və böhtandır».

Bu il «Azadlıq» qəzetinin 22 yaşı tamam olur. Bu münasibətlə dekabrın 25-də qəzet rəhbərliyi təxminən 150 nəfəri «Qızıltac» restoranına dəvət edib. Amma tədbir başladıqdan təxminən 15 dəqiqə sonra işıqlar söndürülüb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG