Keçid linkləri

2024, 30 May, Cümə axşamı, Bakı vaxtı 13:53

Vaclav Havel vəfat edib


Vaclav Havel
Vaclav Havel
Çex Respublikasının keçmiş prezidenti Vaclav Havel dekabrın 18-də 75 yaşında vəfat edib.

Ölkənin müxtəlif yerlərindən Praqada prezident sarayına və şəhərin mərkəzi meydanına gələn çexlər şamlar yandırır, öz ldierlərinin ruhuna dualar oxuyurlar. Prezident Vaclav Klaus dəfn mərasimini təşkil etmək üçün dövlət rəsmiləri ilə toplantı keçirir.

1996-cı ildə Havelin ağciyərində əməliyyat aparılıb.

Bundan sonra eks-prezidentin ağciyəri və yuxarı tənəffüs yollarında problemlər yaranmışdı.

Vaslav Havel 1936-cı il oktyabrın 5-də Praqada tanınmış ailələrdən birində dünyaya gəlib.

Dissident və dramaturq Vaslav Havel 1968-ci il “Praqa Baharı” hadisələrindən sonra azad fikir və təfəkkürünə görə dəfələrlə həbs olunur və elə həmin dövrdən fəal şəkildə əsərlər yazmağa başlayır.

1975-ci ildə isə onun “Qustav Qusaka açıq məktub”u meydana çıxır.

1979-cu ildə Vatslav Havel və digər beş çex dissidentə qarşı təxribatçılıq fəaliyyəti ilə bağlı ittiham irəli sürülür.

1989-cu ilin payızında Çexoslovakiyada tələbələrin çıxışı ilə “Məxmər inqilab” başlayır.
Havel Çexiyada müxalifət qüvvələrdən birinə çevrilən “Vətəndaş Forumu” yaradılmasının təşəbbüskarlarından biri olur və tezliklə siyasətçi kimi məşhurlaşır.

1989-cu il dekabrın 29-da ÇSSR-in Federal Yığıncağının hər iki palarasının birgə iclasında Havel yekdilliklə prezident seçilir.

1993-cü il fevralın 2-də isə Havel müstəqil Çexiyanın ilk prezidenti olur.

1998-ci ildə yenidən president seçilən Havel, 2003-cü ilin fevralında hakimiyyətdən gedir.

Havel "Xartiya 77" nin imzalanmasının əsas təşəbbüskarlarından biridir.

O, "Olqaya məktublar", "Açıq məktublar", "Sülhü pozma", "Yay meditasiyası" və
"Gücsüzlərin gücü" kimi kitabların müəllifidir.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG