Keçid linkləri

2024, 19 May, bazar, Bakı vaxtı 00:06

Türkiyədə ilk dəfə olaraq şeir oteli açıldı


Türkiyənin Dənizli şəhərində "Şeir Oteli" açılıb. Oteldəki otaqlar Türkiyənin ünlü şairlərinin yaradıcılığına həsr edilib.

Ümumilikdə otaqları 72 ünlü şairin qələmindən çıxmış ən gözəl şeirlər, eləcə də onların şəkilləri, büstləri bəzəyir.

İlk dəfədir ki, Türkiyədə məxsusi olaraq poeziya ilə əlaqələndirilmiş otel açılıb.

Oteli poeziya həvəskarı olan biznesmen Esat Bozbıyık və şair Ataol Bəhramoğlu açıblar. "Mən qəlbi olan bir otel açmaq istəyirdim" - deyə Bozbıyık açılış mərasimində bildirib.

Otelin foyesində şeir dinləmək üçün kreslolar da var.

Buradakı kitabxanadan da istifadə etmək olar. Kitab oxumaqla yanaşı kitabxanadakı "Şeir dəftəri"nə qonaqlar öz şeirlərini də yaza bilərlər.

Oteldə müxtəlif tədbirlər üçün toplant salonu, eləcə də rahatlanmaq, yorğunluğu çıxarmaq üçün sauna da var.

Otel otaqlarının məxsusi olaraq həsr edildiyi şairlər arasında Nazim Hikmət, Mehmet Akif Ersoy da var. Oteli Mehmet Selçukun şeirlərdən ilham alaraq çəkdiyi rəsmlər bəzəyir.

Otelin saytında "Hər şey şeir eşqi ilə başlandı" - deyilir. Məqsəd "şeir eşqi, məmləkət eşqi, insan eşqi, yar eşqi ilə yaşayan insanları bu otelə toplamaqdır".

Saytda qeyd edilir ki, qonaqlar burda həm xəyalən - türk şeirinin usta isimlərinin yaşadıqları dövrə gedəcək, həm otelin rahat otaqlarında dincələ biləcək, həm də otaqlardakı yazı masalarında rahat işləyə biləcəklər. Oteldə İnternet də var. İstənilərsə, otaqlara gündəlik qəzetlər də verilir.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG