Keçid linkləri

2024, 20 İyun, Cümə axşamı, Bakı vaxtı 00:00

Macarıstan prezidenti Bakıya qaz dalınca gəlir


Pal Schmitt
Pal Schmitt
-
«Azərbaycan Cənubi Qafqaz regionunda Macarıstanın böyük dostu və strateji tərəfdaşıdır». Bunu Azərbaycana səfəri ərəfəsində Macarıstan prezidenti Pal Schmitt «Trend»ə müsahibəsində deyib:

«Daha intensiv əməkdaşlıq üçün potensialımız və siyasi iradəmiz var. Biz «Cənub dəhlizi», «Nabucco» və AGRI kimi iri layihələrdə bir-birimizə bağlıyıq. Biz qətiyyətlə inanırıq ki, Azərbaycanda hasil edilən qaz yaxın illərdə Macarıstana və Mərkəzi Avropaya çatdırılacaq.

«Cənub dəhlizi» konsepsiyası təkcə enerji resurslarının nəqli marşrutu deyil, həm də Avropa İttifaqı və Xəzər regionundakı xalqlar arasında sıx əlaqədir» - deyə prezident bildirib.

Bakıda Macarıstan prezidentini 50 sahibkardan ibarət nümayəndə heyəti müşayiət edəcək.

Pal Schmitt Azərbaycana noyabrın 10-da səfər edəcək.

Bu, Macarıstan prezidentinin Azərbaycana ilk səfəridir.


XS
SM
MD
LG