Şimali Koreyanın lideri Kim Jongun Rusiyaya səfəri davam edir. Onun xüsusi zirehli qatarı ötən şənbə günü Uzaq Şərqdən Rusiyaya daxil olub. Səfər zamanı enerji əməkdaşlığının müzakirə ediləcəyi haqqında rəsmi məlumat verilib.
Şimali Koreya liderinin çərşənbə axşamı, ya da çərşənbə günü Rusiya prezidenti Dmitri Medvedevlə görüşü nəzərdə tutulur. Görüş Rusiyanın Buryatiya regionunun paytaxtı Ulan-Ude şəhərində keçirilməlidir.