Keçid linkləri

2024, 25 May, şənbə, Bakı vaxtı 22:21

«Azadlıq meydanı»na metro çəkiləcək


Bakının mərkəzində yeni metro stansiyaları tikiləcək
Bakının mərkəzində yeni metro stansiyaları tikiləcək
Bakı Metropolitenində 3-cü xəttin tikintisinə başlanıb.

Yeni xətt Bakı Beynəlxalq Avtovağzalında tikilən metro stansiyasını paytaxtın mərkəzi – «Azadlıq meydanı» ilə birləşdirəcək.

Bu barədə «APA»ya Bakı Metropoliteni rəisinin müavini Arif Rəsulov məlumat verib.

Yeni metro xətti 6 stansiyadan ibarət olacaq. Xəttin ilk stansiyası «Avtovağzal», ikincisi - «Memar Əcəmi» olacaq. Bu məqsədlə «Memar Əcəmi» keçid stansiyasına çevriləcək.

Yeni metro xəttinin 3-cü stansiyası «Papanin» adlanan ərazidə - təqribən «Xutor dairəsi»nin ətrafında olacaq.

4-cü stansiya Heydər Əliyev adına İdman-Konsert Kompleksi ərazisində olacaq. Oradan bir neçə istiqamətə – kompleksin özünə, C.Məmmədquluzadə küçəsinə, eləcə də Tbilisi prospektinə çıxışlar olacaq.

Metro xəttinin 5-ci stansiyası isə şəhərin mərkəzində – Heydər Əliyev Sarayının arxa hissəsində salınacaq. Bu stansiyanın 4-5 çıxışı nəzərdə tutulub. Burdan sonra metro xətti şəhərin mərkəzinə və dənizə doğru davam edəcək və «Azadlıq meydanı»nda tamamlanacaq. «Azadlıq»da tikiləcək stansiya xəttin sonuncu 6-cı dayanacağı olacaq.

Artıq metronun yeni «Avtovağzal» stansiyasında 2 paralel tunelin qazıntısına başlanıb.

Stansiyaların tikintisi sürətlə aparılacaq. Artıq 2015-16-cı illərdə xəttin ilk üç stansiyasının hazır olması nəzərdə tutulur. «Azadlıq meydanı»na isə metro ən geci 2018-ci ildə çatacaq.

Təsdiqlənmiş inkişaf strategiyasına əsasən, 2030-cu ilədək Bakı Metropoliteninin stansiyalarının sayının 76-ya, tunellərin uzunluğunun isə 119 km-ə çatdırılması nəzərdə tutulur. Strategiyaya uyğun olaraq metropoliten sistemində 5 müstəqil metro xətti olacaq.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG