Keçid linkləri

2024, 16 İyul, çərşənbə axşamı, Bakı vaxtı 13:23

Fransız yazıçısı da BVF rəhbərini seksual qısnamada suçladı


Fransız yazıçısı Tristan Banon iddia edir ki, Nyu-Yorkda zorlama ittihamı ilə həbs edilmiş Beynəlxalq Valyuta Fondunun rəhbəri Dominique Strauss-Kahn 2002-ci ildə onu da seksual təzyiqə məruz qoyub. (Frans-press)

31 yaşlı yazıçı eyni ittihamı 2007-ci ildə televiziyada səsləndirsə də, hüquq-mühafizə orqanlarına müraciət etməmişdi.

Yazıçının vəkili David Koubbi mayın 16-da bildirib ki, onlar artıq hüquq-mühafizə orqanlarına ünvanlayacaqları şikayətin mətnini hazırlayırlar.

Vəkil deyib ki, onun müştərisi əvvəllər öz anasının xahişi ilə polisə müraciət etməkdən vaz keçib.

Onun anası Strauss-Kahn-ın liderlərindən olduğu Fransa Sosialist Partiyasının Yuxarı Normaqndiya bələdiyyəsindəki nümayəndəsidir.

Strauss-Kahn-ı Nyu-Yorkda qaldığı otelin xadiməsi zorlama cəhdində ittiham edir. BVF-in direktoru özünü günahkar saymır.

Strauss-Kahn – həm də Sosialist Partiyasının Fransada 2012-ci ildə keçiriləcək prezident seçkilərində real namizədi sayılırdı.

Yazıçı Tristan Banon vaxtilə televiziyada aparıcı və Paris-Match, Le Figaro qəzetlərində müxbir kimi çalışıb.

İlk romanı olan J’ai oublié de la tuer 2004-cü ildə çap edilib.

AzadlıqRadiosunda iş

İcraçı prodüser

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG