Keçid linkləri

2024, 11 May, şənbə, Bakı vaxtı 05:48

Dunya Miyatoviç: «Jurnalistlərə dərs keçməməliyik»


Əli Həsənov
Əli Həsənov
«Diffamasiya haqqında qanunun qəbulu jurnalistləri heç də məsuliyyətdən azad etmir».

Bunu mayın 11-də «Qanunvericiliyə dəyişikliklər etmək yolu ilə diffamasiyanın dekriminalizasiyası» mövzusunda keçirilən konfransda Prezident Administrasiyasının ictimai-siyasi məsələlər üzrə şöbəsinin müdiri Əli Həsənov deyib.

Ə. Həsənov bildirib ki, bu qanunun qəbulu çox ciddidir, bundan sonra jurnalistlər çox məsuliyyətli olmalıdır. Qanun qəbul edildikdən sonra jurnalistlər və cəmiyyət arasında qarşıdurma halları yaranmamalıdır:

«Qanun qəbul olunandan sonra jurnalistlərin özləri olmasa da, redaksiyalara, redaktorlara qarşı ciddi cərimə sanksiyaları qoyula bilər. Bunlar nəzərə alınmalıdır».

Şöbə müdiri hesab edir ki, jurnalist məsuliyyəti olmasa, on qanun qəbul edilsə də, jurnalistlərlə rəsmilər və eləcə də cəmiyyət üzvləri arasında qarşıdurmalar davam edəcək.

İndiki vəziyyəti Ə. Həsənov bir vaxtlar senzuranın aradan qaldırılması ilə müqayisə edib.

«İCTİMAİYYƏT VƏ RƏSMİLƏR TOLERANT OLMALIDIR»

«Niyə məmurlar məhz jurnalistlərin məsuliyyətindən danışırlar. Biz jurnalistlərə məsuliyyətli olmağı deyiriksə, deməli özümüz senzuraya çevrilirik».

Dunya Miyatoviç
Bunu isə konfransda ATƏT-in söz və media azadlığı üzrə nümayəndəsi Dunya Miyatoviç (Dunja Mijatovic) deyib.

O hesab edir ki, jurnalistlər peşəkar olmalıdır. Bununla belə o, rəsmilər tərəfindən onların məsuliyyətinin xatırladılmasını qəbul edilməz sayır.

D. Miyatoviç bildirib ki, keçid dövrü yaşayan və Avropanın demokratiyanın oturuşmuş dövlətlərində də müəyyən problemlər var. Ancaq onun fikrincə, belə məsələlərdə ictimaiyyət və rəsmilər tolerant olmalıdır:

«Nə hökumət, nə mən jurnalistlərə nəyi necə yazmaq haqda dərs keçməliyik. Jurnalistlərə şərait yaradılmalıdır ki, onlar öz fəaliyyətlərini yerinə yetirsinlər».

ATƏT rəsmisi Azərbaycan hökumətinə həbsdəki jurnalist Eynulla Fətullayevlə görüşə şərait yaratdığına görə təşəkkür edib və bildirib ki, jurnalistlərin həbsə atılması təcrübəsinə mümkün qədər tez son qoymaq lazımdır.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG