Keçid linkləri

2024, 29 Mart, Cümə, Bakı vaxtı 10:15

75 min dollarlıq saatını oteldə unutdu...


«Rolex» saatı
«Rolex» saatı
«Travelodge» otellər şirkəti İngiltərədə otellərdə yaddan çıxıb qalan əşyaların siyahısını açıqlayıb. Unudulan əşyalar arasında ən bahalı əşya 75 min dollarlıq brilyant «Rolex» saatıdır. 8000 min funt-sterlinqlik «Hermes» çantası da unudulan əşyalar içindən tapılıb.

Bahalı olsa da, insanın saatını, ya da çantasını yaddan çıxara bilməsi başa düşüləndir. Ancaq bu siyahıda oteldə unudula bilməsi ağla gəlməyən bir əşya da var. Bu, otel otağının zibil qutusundan tapılan 10 min funt-sterlinq (təxminən 15 min dollar) puldur.

10 min dollarlıq qiymətində olan qızıl dişlərini yadından çıxaran da olub.

Maşın açarının yaddan çıxarmaq da adama normal gəlir. Ancaq Çesterdəki «Travelodge» otelinin müştərilərindən birinin «Rolls Royce Phantom» markalı maşınının açarını yaddan çıxartması otel işçilərini əməlli başlı çaşdırıb.

Otel əməkdaşları ən çox unudulan əşyaların isə oyuncaq ayılar olduğunu bildirirlər. Son bir ildə onlar 75 min ayını sahiblərinə çatdırıblar.

Ən çox unudulan əşyalar arasında ikinci yerdə kitablar gəlir. Son bir ildə otel otaqlarında yaddan çıxıb qalmış 20 min kitab tapılıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG