Pakistanın Karaçi şəhərində törədilmiş partlayışda 18 nəfər ölüb, 130 adam yaralanıb. Partlayışa görə məsuliyyəti talibançılar üstlərinə götürüb.
Noyabrın 11-də minalanmış maşının polis istintaq idarəsinin ətrafında partladılması nəticəsində bina tamamilə dağılıb.
16 milyon əhalisi olan Karaçi Pakistanın mühüm iqtisadi şəhərlərindəndir. Burda Pakistanın əsas fond birjası və dəniz limanı yerləşir.