Keçid linkləri

2017, 21 Sentyabr, Cümə axşamı, Bakı vaxtı 05:42
Məhbus jurnalist Eynulla Fətullayevlə bağlı Avropa Məhkəməsinin qərarına Ali Məhkəmənin Plenumu gələn ay baxa bilər.

Bu barədə AzadlıqRadiosuna Ali Məhkəmənin mətbuat katibi Allahverdi Məmmədli məlumat verib. O bildirib ki, noyabrda Plenumun çağırılması gözlənir.

Amma Plenumun dəqiq tarixi bilinmir.

Allahverdi Məmmədli deyir ki, bu Plenumda prezidentin təyin etdiyi hakimlər də and içəcək və güman ki, Eynulla Fətullayevin də işinə baxılacaq.

Oktyabrın 19-dan jurnalist Eynulla Fətullayev Avropa İnsan Hüquqları Məhkəməsinin aprelin 22-də çıxardığı qərarın icra olunması tələbi ilə Bakı İstintaq Təcridxanasında aclıq aksiyasına başlayıb. Həmin qərar Eynulla Fətullayevin azadlığa buraxılmasını və ona 28 min avroya yaxın təzminat ödənməsini nəzərdə tutur.

Oktyabrın 20-dən isə jurnalistlər Eynulla Fətullayevə dəstək olmaq üçün aclıq aksiyasına başlayıblar.

Jurnalist Eynulla Fətullayev 2007-ci ildə 8 il 6 ay müddətinə azadlıqdan məhrum edilib. Beynəlxalq təşkilatlar bu hadisəni pisləyib və dəfələrlə Azərbaycan rəhbərliyini jurnalisti azad etməyə çağırıblar.

Sənin fikrin

Şərhləri göstər

Günün bütün mövzuları

XS
SM
MD
LG