Oktyabrın 21-də prezident İlham Əliyev Ağcabədi, İmişli, Saatlı və Qusar rayonlarının sosial-iqtisadi inkişafının sürətləndirilməsinə dair əlavə tədbirlər haqqında sərəncam imzalayıb.
Sərəncama əsasən, Ağcabədi-Qaradolaq-Kəbirli, İmişli-Qaravəlli-Mirili, Saatlı-Musalı-Məzrəli və Həzrə-Zuxul avtomobil yollarının yenidən qurulması məqsədilə Ağcabədi, İmişli, Saatlı və Qusar rayon icra hakimiyyətlərinin hər birinə ilkin olaraq 1,5 milyon manat (ümumilikdə 6 milyon manat) məbləğində vəsait ayrılıb.