Sentyabrın 27-də Özbəkistana rəsmi səfərə yola düşən Azərbaycan prezidenti İlham Əliyevi “Daşkənd-2” hava limanında bu ölkənin baş naziri Şavkat Mirziyayev və yüksək vəzifəli digər hökumət rəsmiləri qarşılayıblar.
Daha sonra Özbəkistan prezidentinin iqamətgahında Azərbaycan prezidenti İlham Əliyevin rəsmi qarşılanma mərasimi olub.
AzərTAc-ın məlumatına görə, İlham Əliyev Azərbaycan nümayəndə heyəti üzvlərini Özbəkistan prezidenti İslam Kərimova, İslam Kərimov isə Özbəkistanda akkreditə olunan diplomatik nümayəndəliklərin və beynəlxalq təşkilatların rəhbərlərini İlham Əliyevə təqdim edib.