İyulun 4-də III ixtisas qrupu üzrə imtahanlar keçiriləcək. Tələbə Qəbulu üzrə Dövlət Komissiyasının sədri Məleykə Abbaszadə deyib ki, III ixtisas qrupu üzrə imtahanlar Bakı, Naxçıvan və Sumqayıt şəhərlərində keçiriləcək.
İmtahanın keçirilməsi üçün Bakıda 48, Sumqayıtda 6, Naxçıvanda 3 bina ayrılıb. Bu il bu qrup üzrə 33 min 316 abituriyent ərizə təqdim edib. Sənəd verənlərin 30 min 87 nəfəri Azərbaycan, 3 min 229 nəfəri rus bölməsinin məzunlarıdır. 16 min 876 nəfər orta məktəbi bu il bitirib.
III ixtisas qrupu üzrə təhsil almaq istəyən 162 abituriyent xarici ölkələrin vətəndaşlarıdır.