FİFA prezidenti Zepp Blatter hakimlərin kobud səhvlərinə görə İngiltərə və Meksika yığmalarından üzr istəyib.
Almaniya ilə qarşılaşmada komandası 1:2 hesabı ilə uduzduğu vaxt İngiltərə yığmasının futbolçusu Frenk Lempardın qapı xəttini keçən zərbəsini hakimlər briqadası qol kimi qeydə almayıb. Görüş Almaniyanın 4:1 hesablı qələbəsi ilə yekunlaşıb.
Meksika ilə qarşılaşmada isə Argentina millisinin futbolçusu Karlos Tevesin oyundankənar vəziyyyətdən vurduğu qol qeydə alınıb. Oyun Meksikanın 1:3 hesablı məğlubiyyəti ilə nəticələnib.
Blatter FİFA rəhbərliyinin növbəti görüşündə videotəkrarların tətbiqinin mümkünlüyünü müzakirə edəcəklərini də bildirib.