Rusiya ilə Belarus arasındakı qaz problemini həll etmək üçün Belarus nümayəndə heyəti Moskvaya gəlib. Qazprom bildirib ki, Minsk qaza görə yığılmış 192 milyon dollarlıq borcunu ödəməsə, bu gündən etibarən Belarusa nəql etdiyi qazın həcmini 85 faiz azaldacaq.
Belarus qaza görə Rusiyaya hər hansı borcu olduğunu qəbul etmir. Belarusun iqtisadiyyat nazirinin müavininin rəhbərlik etdiyi nümayəndə heyəti Moskvaya səfər etdiyi bir vaxtda Rusiyanın xarici işlər naziri Sergey Lavrov da Minskə gəlir.