Nyu-Yorkun Tayms Meydanında atomobilə quraşdırılmış əldəqayırma bomba ilə partlayış törətməyə cəhd etmiş Feysəl Şahzad 2 həftə əvvəl həbs ediləndən sonra ilk dəfə məhkəməyə çıxarılıb. Ona qarşı irəli sürülən ittihamlar təsdiqini taparsa, Paksitan mənşəli Amerika vətəndaşı olan 30 yaşlı Şahzad ömürlük azadlıqdan məhrum edilə bilər.
Şahzadın məhkəməyə belə gec çıxarılmasına səbəb kimi onun istintaqla könüllü əməkdaşlıq etməsi və çox əhəmiyyətli məlumatlar verməsi göstərilir.