Keçid linkləri

Təcili xəbərlər
2021, 02 Avqust, Bazar ertəsi, Bakı vaxtı 12:16

ABŞ Azərbaycandan tikinti materialları və ərzaq alacaq


ABŞ Əfqanıstana göndərmək üçün Azərbaycandan tikinti materialları, ərzaq və avadanlıq alacaq. «APA»nın məlumatına görə ABŞ-ın Azərbaycandakı müvəqqəti işlər vəkili Donald Lu belə deyib.

Mayın 14-də Bakıda Kontraktor və Təchizatçılara dair Azərbaycan-ABŞ arasında təchizat seminarı zamanı danışan diplomat bildirib ki, Azərbaycan hökuməti Azərbaycandan daha çox mal alması xahişi ilə ABŞ-a müraciət edib və bu seminar həmin xahişə cavabdır.

Əfqanıstanda müştərək səylərə dəstək vermək baxımından Azərbaycan firmalarının ABŞ hökumətinə mal satmaq qaydaları barədə məlumat verən diplomat qeyd edib ki, təmsil etdiyi hökumət regiondan tikinti materialları, ərzaq və avadanlıq almaq niyyətindədir.

Donald Lu bu biznesin həm Azərbaycan, həm də ABŞ üçün səmərəli olacağını əlavə edib

Tədbir Amerika Ticarət Palatasının əməkdaşlığı, Azərbaycan Xarici İşlər Nazirliyinin dəstəyi və ABŞ-ın Azərbaycandakı səfirliyinin təşkilatçılığı ilə keçirilib.

Şərhlər (4)

Bu forum dayandırılıb
XS
SM
MD
LG