ABŞ rəsmiləri Nyu Yorkdakı Tayms Meydanında baş tutmamış terror aktı ilə bağlı xarici faktoru istisna etmirlər.
Hüquq mühafizə orqanlarına istinadən verilən məlumata görə, partlayıcı maddə ilə dolu avtomobilə aidiyyəti olan Pakistan mənşəli bir şəxs axtarışdadır. Həmin şəxsin ABŞ-a Pakistandan yenicə qayıtdığı bildirilir.
Məlum olub ki, sözügedən avtomobili üç həftə əvvəl Konnektikut ştatında bir kişi nağd pula satın alıbmış. Ən son məlumata görə isə, həmin şəxs artıq yaxalanıb.