İsrailin baş naziri Benyamin Netanyahunun Birləşmiş Ştatlara səfəri başa çatıb. Səfər nəticəsində İsrailin yeni məskunlaşdırma planı ilə bağlı Təl-Əvivlə Vaşinqton arasındakı fikir ayrılığının aradan qalxmadığı bildirilir.
ABŞ rəsmilərinin sözlərinə görə, Netanyahunun ABŞ-ın Yaxın Şərq üzrə nümayəndəsi Corc Mitçellə görüşü ziddiyyətləri aradan qaldırmayıb.
Prezident Barak Obama Netanyahudan xahiş etmişdi ki, görüş zamanı israillilərlə fələstinlilər arasında ABŞ-ın vasitəçiliyi ilə dolayı danışıqlar üçün etimad mühiti yaratmaq üçün addım atsın.