Keçid linkləri

2024, 11 May, şənbə, Bakı vaxtı 05:31

Müxalifətin «iqtidarın dostu» adlandırdığı Çavuşoğlu AŞ PA prezidenti seçildi


Mövlud Çavuşoğlu
Mövlud Çavuşoğlu
Azərbaycan müxalifətinin «iqtdarın dostu» adlandırdığı türkiyəli deputat, Türkiyədə hakimiyyətdə olan AKP-nin təmsilçisi Mövlud Çavuşoğlu Avropa Şurası Parlament Assambleyasının (AŞ PA) prezidenti seçilib.

Azərbaycanın qurumdakı nümayəndə heyətinin rəhbəri Səməd Seyidov Çavuşoğlunun seçilməsini tarixi hadisə adlandırıb. AzadlıqRadiosuna verdiyi açıqlamada o deyib ki, bu ilk növbədə birinci dəfə olaraq türk dünyasını təmsil edən şəxsin belə yüksək vəzifəyə seçilməsi baxımından əhəmiyyətlidir

- Digər tərəfdən bu, bəzən Avropa Şurasında müşahidə edilən ikili standartlara, o cümlədən xristian-müsəlman dövləti, köhnə demokratiya-təzə demokratiya, böyük dövlət-kiçik dövlətə münasibət kimi ikili standartlara bir növ cavabdır.

- Amma Çavuşoğlunu Azərbaycan müxalifəti ittiham edir. Onu Azərbaycandakı seçkiləri müşahidə edəndən sonra hakimiyyətyönlü mövqe bildirməkdə, seçki saxtakarlıqlarına haqq qazandırmaqda günahlandırır.

Səməd Seyidov
- AŞ PA-dakı seçki göstərdi ki, Çavuşoğluna qarşı bütün ittihamlar, onun hətta guya Azərbaycan iqtidarından pul alması kimi ittihamlar yalan və böhtan xarakterlidir. Hətta zərrə qədər də barəsində şübhə olan adamı AŞ PA prezidenti seçməzdilər. Bu günlərdə Avropa Parlamentində bir bolqar deputatı - ərinin cinayətkar qruplarla mümkün əlaqələri haqqında səslənən ittihamlara görə komissiya üzvü seçmədilər. Yəni Avropanı nə qədər tənqid etsək də, burada yoxlamağı yaxşı bacarırlar. Çavuşoğlu mərd və sözü üzə deyən adamdır. Belə adamın isə dostu çox olduğu kimi düşməni də çox olur.

Səməd Seyidov artıq Çavuşoğluna təbrik məktubu yazdığını da deyib.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG